Զատկական այցելություն և օրհնություն Շահումյան և Կարմիր գյուղերի հայոց եկեղեցիներ

2026 թվականի ապրիլի 12-ին, Վիրահայոց թեմի առաջնորդ Գրշ. Տեր Կիրակոս եպս. Դավթյանի օրհնությամբ, արժ. Տեր Կիրակոս քահանա Սիմոնյանը բարեշնորհ սարկավագ Օթարի Գիգաուրիի հետ, զատկական այցելությամբ և օրհնությամբ եղան Վիրահայոց թեմի Շահումյանի Սուրբ Աստվածածին  եկեղեցում և  Կարմիր գյուղի Սրբոց Ավետարանչած մատուռում:

Երկու գյուղերի հավատավոր հասարակությունը զատկական բարիքներով եկել էր մասնակիցը դառնալու Հայ Առաքալական Սուրբ եկեղեցու օրացույցով  նշվող Կրկնազատիկի տոնակատարությանը: Արժ. Տեր Կիրակոս քահանան ներկաներին փոխանցեց Վիրահայոց թեմի առաջնորդի օրհնությունը և Վրաց Ուղղափառ եկեղեցու օրացույցով նշվող Տեր Հիսուս Քրիստոսի Հրաշափառ Հարության ավետիսը,  կատարեց շնորհավորանքի և բարեմաղթանքի  արարողություն: Հոգևոր օրհնությամբ լիցքավորված հայ  հավատացյալը բարձր տրամադրությամբ տոնեց Սուրբ Զատիկի տոնը: