,,საბავშვო ევროვიზია 2025,, - სიმღერის კონკურსზე სამ ქვეყანას წარადგენენ სომეხი მონაწილეები

2025 წლის ,,საბავშვო ევროვიზიის,, სიმღერის კონკურსს მასპინძლობს 2024 წელს ,,საბავშვო ევროვიზიის,, სიმღერის კონკურსში  გამარჯვებული თბილისი. აღსანიშნავია, რომ სიმღერის კონკურსის 18 მონაწილიდან სამი სომეხი ვარსკვლავია.

11 დეკემბერს, საქართველოში სომხეთის რესპუბლიკის საელჩოს ინიციატივით და საქართველოს სომეხთა ეპარქიასთან თანამშრომლობით, ეპარქიის „ჰაიარტუნ“ საგანმანათლებლო და კულტურულ ცენტრში გაიმართა შეხვედრა სომხეთის რესპუბლიკის წარმომადგენელ ალბერტ არმენაკიანთან, უკრაინის რესპუბლიკის წარმომადგენელ სოფია ნერსისიანთან და საქართველოს წარმომადგენელ ანიტა აბგარიანთან.

სამ სომეხ ვარსკვლავთან შეხვედრა დაიწყო ავლაბრის სურბ ეჯმიაწინის ეკლესიის მონახულებით, სადაც ღირსეულმა მღვდლებმა და კეთილგანწყობილმა დიაკვნებმა მიესალმნენ ოსტატ მომღერლებს, ხოლო ღირსი მამა სამველ თოროსიანმა გადასცა საქართველოს სომეხთა ეპარქიის წინამძღვრის, მისი ყოვლადუსამღვდელოესობის ეპისკოპოს კირაკოს დავთიანის მამაოებრივი სურვილები, დალოცა ბავშვები და სუვენირები დაურიგა მათ.

გულშემატკივრებით აღსავსე გალუსტ გულბენკიანის სახელობის დარბაზში საბავშვო ევროვიზიის სამ მონაწილეს მიესალმნენ და წარმატება უსურვეს საქართველოში სომხეთის რესპუბლიკის საგანგებო და სრულუფლებიანმა ელჩმა აშოტ სმბატიანმა, უკრაინის რესპუბლიკის საელჩოს წარმომადგენელმა ოლენა ჰლადუშჩენკომ და „ჰაიარტუნ“ ცენტრის დირექტორმა ევგენია მარკოსიანმა.

„საბავშვო ევროვიზია 2025“ სიმღერის კონკურსის სომეხმა მონაწილეებმა ანიტა აბგარიანმა, სოფია ნერსისიანმა და ალბერტ არმენაკიანმა ნაწყვეტები შეასრულეს თავიანთი საკონკურსო გამოსვლებიდან.

სომხეთის მედიის წარმომადგენელმა კომენტარი გააკეთა კონკურსის დღეს მათ მიერ შერჩეული სამი ქვეყნისთვის ხმის მიცემის მექანიზმზე. შეხვედრა დასრულდა სომხეთისა და უკრაინის რესპუბლიკის საელჩოების მიერ სომეხი მონაწილეებისთვის სუვენირების გადაცემით და გამარჯვების სურვილებით.