ჯვართამაღლების დღესასწაულზე, ჰარისას ფესტივალი

2025 წლის 14 სექტემბერს, სომხურმა ეკლესიამ აღნიშნა ჯვართამაღლება, სომხური ეკლესიის ხუთი მთავარი დღესასწაულიდან ბოლო დღესასწაული. საქართველოს სომეხთა ეპარქიაში კარგ ტრადიციად იქცა საეკლესიო დღესასწაულების ტრადიციული ეროვნული ფესტივალებით აღნიშვნა. საქართველოს სომეხთა ეპარქიის წინამძღვრის, მისი ყოვლადუსამღვდელოესობა ეპისკოპოსი კირაკოს დავთიანის ლოცვა-კურთხევითა და მხარდაჭერით, საქართველოს სომეხ ქალთა „შუშანიკ“კავშირის  ინიციატივით, წმინდა ჯვრის დღესასწაული აღინიშნა მუსა დაღის  ტრადიციული ჰარისას ფესტივალით.

ეპარქიის „ჰაიარტუნ“ ცენტრის გალუსტ გულბენკიანის სახელობის დარბაზში, მაგიდებზე ეკლესიის მოყვარული ქალებისა და საზოგადოებრივი ორგანიზაციის „ჰ.მ.ე.მ. თბილისი“ -ს წევრების მიერ მომზადებული ცხიმიანი ჰარისას ქვაბები იყო განლაგებული.

ღონისძიებას დაესწრო მისი ყოვლადუსამღვდელოესობა ეპისკოპოსი კირაკოს დავთიანი, საკათედრო ტაძარი  სურბ ეჯმიაწინის ბერი, კონცეპტუალური ოფისის დირექტორი   არქიმანდრიტი რუბენ ზარგარიანი.

კურთხევლის სიტყვაში ეპარქიის წინამძღვარმა დამსწრეებს მიულოცა ჯვართამაღლების დღესასწაული და შეეხო მუსა დაღის გმირული ბრძოლის ჰარისით აღნიშვნის ტრადიციას. ეპარქიის წინამძღვარმა აკურთხა „შუშანიკის“ კავშირის წევრები, ეკლესიის მოყვარული ქალების ჯგუფები, ორი ეკლესიის ჯვრის ნათლიები - არკადი ჰოვაკიმიანი და კარენ დარბინიანი,  მაღაზია „არმენიას“ დირექტორი, ედუარდ მურადიანი და ყველა მონაწილე ეკლესიის მხარდაჭერისა და გვერდში დგომისთვის და შესთავაზა არქიმანდრიტ რუბენ ზარგარიანს, აკურთხოს ჰარისით მორთული მაგიდები.

შემდეგ დაიწყო ჰარისას დეგუსტაცია და სტუმართმოყვარეობა, რომელიც ჰარმონიულად ერწყმოდა „ჰაიარტუნ“ ცენტრის დუდუკის ჯგუფის ხელმძღვანელის, ივანე მკრტჩიანის მიერ შექმნილ მხიარულ სიმღერებსა და მუსიკას, რამაც შექმნა სადღესასწაულო და მხიარული განწყობა.