Ալեքսանդր Խատիսով- վավերագրական ֆիլմի ցուցադրություն

2026 թվականի մայիսի 24-ին ցուցադրվեց Ալեքսանդր Խատիսովին (Խատիսյան) նվիրված վավերագրական ֆիլմ, որի դիտմանը իր օրհնաբեր ներկայությունն էր բերել թեմի բարեխնամ առաջնորդ Կիրակոս Սրբազանը:

Պատմաբան Ենոք Թադևոսյանը հետաքրքիր ու բովանդակալից ներածականով անդրադարձ կատարեց հայոց պատմության քարքարոտ ուղիներին, դեռևս Վրաստանի Դավիթ Շինարարի թագավորության շրջանում երկրում հաստատված հայերի նվիրական գործունեությանը, որը միշտ և ամենուրեք ուղեկցվել է տնտեսական, շինարարական, մշակութային զարգացման ու բարգավաճման գործում նրանց ունեցած ավանդով: Ֆիլմի հերոս Ալեքսանդր Խատիսովը, ով յոթ տարի անընդմեջ պաշտոնավարել է Թիֆլիսում՝ որպես քաղաքագլուխ, աչքի է ընկել խելամիտ կառավարմամբ, կատարած աշխատանքներով, քաղաքին ու բնակչությանը բերած առաջընթացով ու ձեռքբերումներով:

Ալեքսանդր Խատիսովը ֆիլմում ներկայացված է նաև նորաստեղծ Հայաստանի Հանրապետութունում իր պաշտոնավարության տարիներին, որոնք եղել են ծանր ու դժվարություններով հագեցած:

Ֆիլմը ներկաների կողմից արժանացավ Թեմի առաջնորդին, նախաձեռնողին և իհարկե «Գրանդ Քենդի» ընկերությանը ուղղված շնորհակալության խոսքերի: «Մեր մեծերը» շարքից վավերագրական ֆիլմերի ցուցադրությունը «Հայարտուն» կենտրունում կշարունակվի: