Վրաստանում Եվրամիության ներկայացուցչության ներկայացուցիչը հյուրընկալվեց Թբիլիսիի Սուրբ Գևորգ եկեղեցում

2023 թվականի նոյեմբերի 15-ին, Վրաստանում Եվրամիության ներկայացուցչության քաղաքականության,  մամուլի և տեղեկատվության բաժնի ղեկավարի տեղակալ տիկին էվիա Կոտանը   այցելեց Հայ Առաքելական Սուրբ Եկեղեցու Վիրահայոց թեմի Թբիլիսիի Սուրբ Գևորգ առաջնորդանիստ եկեղեցի:  Տիկին Կոտանին ընդունեց  Թեմի առաջնորդ Գերաշնորհ Տեր Կիրակոս եպիսկոպոս Դավթյանը:

Տեր Կիրակոս Սրբազանը երկուստեք կայացած զրույցի ժամանակ Եվրամիության ներկայացուցչին ծանոթացրեց Վիրահայոց թեմի  պատմության, հոգևոր-եկեղեցական կյանքի մի շարք ծրագրերի հետ, խոսեց այն աշխատանքների մասին, որոնք իրականացվում են  թեմի մշակութային, կրթական և երիտասարդական բաժիններում, ինչպես նաև կարևորեց հասարակական, քաղաքացիական  ինտեգրման ուղղությամբ տարվողաշխատանքները և ապագա պլանները:

Զրույցի ընթացքում երկուստեք համաձայնեցին  շարունակել հանդիպումները և երկխոսությունները, ինչը, անշուշտ արդյունավետ կլինի կողմերի  համար:

Հանդիպումն անցավ  ջերմ բարեկամական մթնոլորում: Հանդիպմանը ներկա էր  համայնքային նախաձեռնությունների զարգացման հիմնադրամի ղեկավար Մարի Միքոյանը: